8. وَمَن يَعْمَلْ مِثْقَالَ ذَرَّةٍ شَرًّا يَرَهُ
ആര് ഒരു അണുത്തൂക്കം തിന്മ പ്രവര്ത്തിച്ചിരുന്നുവോ അത് അവര് കാണും
പ്രസന്നമായ
മുഖത്തോടെയും കറുത്ത മുഖത്തോടെയും വാഹനപ്പുറത്തും മുഖം കുത്തി നടന്നും
...ഇങ്ങനെ പലതരത്തിലായി ജനങ്ങള് മഹ്ശറിലേക്ക് (വിചാരണക്കായി ഒരുമിച്ച്
കൂടുന്ന സ്ഥലം) വരുന്ന രംഗമാണിവിടെ സൂചിപ്പിക്കുന്നത് ജീവിതത്തില്
ചെയ്തപ്രവര്ത്തനങ്ങളുടെ പ്രതിഫലം കാണിച്ച് കൊടുക്കാനാണ് ഇത് . .അന്ന് താന്
ചെയ്ത എത്ര ചെറുതോ വലുതോ ആയ കാര്യങ്ങള് മുഴുവനും കാണിച്ച് കൊടുക്കും.ഒരു
അണുവോളം ആണതെങ്കില് പോലും അത് കാണിക്കപ്പെടും അന്നേദിനം ഓരോരുത്തരും അവനവനെ
സ്വയം ആക്ഷേപിക്കും..നന്മ ചെയ്തവന് എന്തു കൊണ്ട് താന് നന്മ
വര്ദ്ധിപ്പിച്ചില്ലെന്നും തിന്മ ചെയ്തവന് എന്തു കൊണ്ട് താന് തെറ്റുകളില് നിന്ന്
മാറി നിന്നില്ല എന്നും പറഞ്ഞായിരിക്കും ആക്ഷേപം എന്ന് നബി(സ)
പറഞ്ഞിട്ടുണ്ട്...നന്മയുടെ പ്രതിഫലമോ തിന്മയുടെ ശിക്ഷയോ കാണുമ്പോഴാണിത്
സംഭവിക്കുക.(ഖുര്ത്വുബി20.107)ഇമാം റാസി(റ) എഴുതുന്നു.മുഖാതില് (റ)പറയുന്നു.ഈ ആയത് രണ്ട് വ്യക്തികളുടെ വിഷയത്തില് ഇറങ്ങിയതാണ്. ഒരാള് ആരെങ്കിലും വല്ലതും ചോദിച്ചാല് ഒരു കാരക്കയോ മറ്റോ കൊടുക്കുന്നത് അയാള് നിസ്സാരമായി കണ്ട്(ഇത് കൊടുത്തിട്ടെന്ത് കാര്യം എന്ന രൂപത്തില് ) അദ്ദേഹം സംസാരിച്ചു.മറ്റൊരാള് ചെറിയ തെറ്റുകള് കൊണ്ടൊന്നും നാം ശിക്ഷിക്കപ്പെടില്ല (ചെറിയ തെറ്റുകള് പ്രശ്നമാക്കേണ്ടതില്ല) എന്ന് അദ്ദേഹം പറഞ്ഞു.അപ്പോള് ഇറങ്ങിയ ഈ ആയത്തില് നന്മ എത്ര ചെറുതാണെങ്കിലും ചെയ്യണമെന്നും തിന്മ എത്ര ചെറുതാണെന്ന് തോന്നിയാലും അത് ഒഴിവാക്കണമെന്നും അല്ലാഹു ഉണര്ത്തി.കാരണം നന്മ ചെറുതാണെങ്കിലും പല തവണ ആവര്ത്തിക്കുമ്പോള് നന്മകള് കുന്നുകൂടും..ചെറിയ തിന്മയാണെങ്കിലും പല തവണ ചെയ്യുമ്പോള് അത് കുറെ ഉണ്ടാവും ..അതിനാല് ചെറിയതാണെങ്കിലും നന്മ ഉപേക്ഷിക്കരുത്.തിന്മ ചെറുതാണെന്ന് തോന്നിയാലും ചെയ്യരുത്.കാരണം അതും വിചാരണ ചെയ്യപ്പെടുകയും നന്മക്ക് പ്രതിഫലവും തിന്മക്ക് ശിക്ഷയും നല്കപ്പെടും എന്നും അല്ലഹു ഉണര്ത്തിയതാണ്(റാസി 32/89)
നന്മയില് നിന്ന് ഒന്നിനെയും നിസ്സാരമാക്കരുതെന്ന് നബി(സ) പറഞ്ഞ ഹദീസ് ഇവിടെ നാം ഓര്ക്കുക.ഇവിടെ പ്രസക്തമായ ഒരു ചോദ്യമുണ്ട്.അവിശ്വാസിയുടെ പ്രവര്ത്തനങ്ങള്ക്കൊന്നും പ്രതിഫലം ലഭിക്കില്ലെന്നും സത്യ വിശ്വാസിയുടെ ചെറുദോഷങ്ങള് പൊറുക്കപ്പെടുമെന്നുമല്ലേ ഉള്ളത്?അപ്പോള് ആര് അണുവിന്റെ അത്ര നന്മ ചെയ്താല് അത് കാണും എന്ന് എങ്ങനെ പറയും? അതിനു വിവിധ ഉത്തരങ്ങള് ഇമാമുകള് പറഞ്ഞു
(1) അവിശ്വാസി ചെയ്യുന്ന നന്മയുടെ പ്രതിഫലം അവന് കാണുന്നത് ഇവിടെ തന്നെയാണ്.പരലോകത്ത് അവന് ഒരു നന്മയും അനുഭവിക്കില്ല അതെ സമയം വിശ്വാസി ചെയ്ത തിന്മയുടെ ശിക്ഷ ചിലപ്പോള് ഇവിടെ കാണും .നബി(സ) അബൂബക്കര്(റ) നോട് പറഞ്ഞു.അബൂബക്കറേ!ഭൂമിയില് നിങ്ങള് അനുഭവിക്കുന്ന വിഷമങ്ങള് അണുവിന്റെ അത്രയെങ്കിലും തിന്മയുണ്ടെങ്കില് അതിന്റെ പ്രതിഫലം ആയിട്ടാണത്.അണുവിന്റെ അത്രയെങ്കിലും നന്മയുണ്ടെങ്കില് അത് അല്ലാഹു സൂക്ഷിച്ച് വെക്കുകയും അന്ത്യനാളില് അതിന്റെ പ്രതിഫലം നല്കുകയും ചെയ്യും
(2)എല്ലാവര്ക്കും അവരുടെ നന്മയും തിന്മയും പരലോകത്ത് അല്ലാഹു കാണിച്ച് കൊടുക്കും ,എന്നിട്ട് അവിശ്വാസിയുടെ നന്മ സ്വീകരിക്കാതെ തള്ളപ്പെടുകയും തിന്മക്ക് ശിക്ഷിക്കപ്പെടുകയും ചെയ്യും .സത്യ വിശ്വാസിയുടെ തിന്മ അല്ലാഹു പൊറുക്കുകയും നന്മക്ക് പ്രതിഫലം നല്കുകയും ചെയ്യും
(3)അവിശ്വാസിയുടെ നന്മയുടെ തോതനുസരിച്ച് ശിക്ഷയുടെ ഗൗരവത്തില് കുറവുണ്ടാകും
(4)നന്മ ചെയ്താല് കാണും എന്നത് വിശ്വാസികള്ക്ക് പ്രതിഫലം ലഭിക്കും എന്നും തിന്മ ചെയ്താല് കാണും എന്നത് അവിശ്വാസിയുടെ തിന്മ അവന് കാണും എന്നാണ്...(റാസി 32/58)
അപ്പോള് വിഷമിച്ചിട്ടോ കൈകടിച്ചിട്ടോ കാര്യമുണ്ടാവില്ല.പ്രവര്ത്തിക്